مهرجان الكرازه لذوى القدرات الخاصه 2010(دراسى متوسط الاعاقه)

[memoantimo]

العهد القديم
يوسف الصديق:-
يوسف كان عايش في مصر والملك حلم حلم وكان عايز حد يفهمه الحلم.واحد قال للملك ان في واحد اسمه يوسف يقدر يفهمك الحلم.الملك جاب يوسف وحكي له الحلم.يوسف قال للملك ربنا عايز عرفك ان هتيجي سبع سنوات بعدها هيكون الاكل فيها كثير خالص والناس كلها هتكون فرحانه وبعدها هتيجي سبع سنين هتكون مافيهاش اكل كتير زعل الملك وسال يوسف...تعمل ايه؟!
يوسف قاله: شوف واحد عندك امين وخليه يحوش اكل كثير من السنين الي مليانه خير علشان تنفع في السنين التانيه فرح الملك بالحل وقال ليوسف انت الامين اللي ينفع ينقذ مصر من الجوع وخلي كل الناس في مصرتسمع كلام يوسف فعلا يوسف فضل يحوش اكل كتير وبعد كده في سنسن الجوع كل الدنيا عرفت ان مصر فيها خير كثير .. وبقوا بيجوا يشتروا اكل من مصر وكل الناس بقت شبعانه وفرحانه.
علشان يوسف بيحب ربنا وبيساعد الناس وامين ربنا كان ديما معاه وبيخليه ناجح في كل حاجه

الاسئله:
1-يوسف كان عايش فين؟
2-ايه معني حلم الملك؟
3-لماذا اختار الملك يوسف لحل المشكله؟ وكان هيعمل ايه؟
 

2- العهد الجديد
الخرو ف الضال:-
كان مره ربنا يسوع بيحكي للناس قصه جميله عن راعي( يعني واحد عنده خرفان كتير) كان عنده 100 خروف كل يوم ياخدهم معاه في الجناين والغيطان علشان ياكلوا الحشائش ويفسحهم في الهوا والشمس ويرجعهم بعد كده البيت بتاعهم ولما رجعهم الراعي البيت لقي عددهم 99 خروف بس.. زعل خالص وفضل يعدهم اكتر من مره واتاكد انهم 99 خروف فعرف ان في خروف ناقص فقل علي ال99 خروف فراح يدور علي الخروف الضايع وفضل يمسي في حتت صعبه مليانه طوب وشوك وحتت عاليه لفوق ونازله لتحت ومكانش يهمه كل ده لانه كان عايز يلاقي الخروف بتاعه الي ناقص وكل ما يشوف حد يساله انت شفت الخروف بتاعي؟ يقوله له لا . وفي لحظه سمع صوت الخروف بتاعه من بعيد ففرح جدا وبقي يجري ناحيه الصوت يدور عليه ويبص بعنيه يمين وشمال ويقول لنفسه هو فين وفعلا لقي الخروف وشاله علي كتفه وبقي فرحان قوي ورجعه معاه البيت تاني علشان هو راعي امينوبيحب يحافظ علي خرفانه المسؤله عنها.
التطبيق: يحافظ الطفل علي كل حاجه ملكه حتي ولو كانت صغيره

اسئله:
1-الراعي كان بيعمل ايه للخرفان؟
2-كم خروف ضاع من الراعي؟ وما هو عدد الباقي؟
3- عمل ايه الراعي لما عرف انه مش موجود؟
4-عمل ايه الراعي لما رجع الخروف؟
5-ازاي الراعي كان امين؟
 

3-المحفوظات
الايات:-
+مطلوب حفظ الايه بدون حفظ الشاهد:1-"الامين في القليل امين ايضا في الكثير"(لو10:16)
2-"الشاهد الامين لن يكذب"(ام5:14)
3-"كن امينا الي الموت"(رؤ10:2)
4-"الرجل الامين كثير البركات"(ام20:28)

المحفوظات:
+ مزمور 100(اهتفي للرب يا كل الارض)
+ابانا الذي في السموات


4-الطقس
اصوام الكنيسه:1-
صوم الميلاد: يسبق عيد الميلاد وهو استعداد لاستقبال المسيح في حياتنا ومدته 43يوم
2-صوم يونان: وهو تذكار ان يونان النبي ظل 3 ايام في بطن الحوت ومدته 3 ايام
3-الصوم الكبير: تذكار صوم السيد المسيح عنا 40 يوم يسبقه اسبوع الاستعداد وينتهي باسبوع الالام ومده الصوم كله 55 يوم
4-صوم الرسل: تذكار صوم التلاميذ بعد صعود ربنا للسما وينتهي الصوم بعيد استشهاد القديسين بولس وبطرس
5- صوم السيده العذراء: تذكار صوم التلاميذ انتظار لظهور منظر صعود جسد السيده العذراء للسما كما راها توما

الصور
+المطلوب:تعريف المتسابقين بالمناسبات التي تكرر مره كل شهر قبطي:
12 من الشهر القبطى (الملاك ميخائيل)
21 من الشهر القبطى (العذراء مريم)
29 من الشهر القبطى (البشاره)


5-تاريخ الكنيسه
القديس شوره الصبي:
كان في ولد اسمه شوره وكان بيشتغل راعي غنم كان محبوب جدا من كل اللي حواليه لانه كان مطيع ومؤدب وفي يوم شوره قاعد بيرعي الغنم كعاده كل يوم جاء له جنود الوالي اريانوس بيجبروه ان يبخر للاوثان كامر الوالي لما الجنود سالوه "انت مين؟" رد عليهم بكل شجاعه وقال لهم: "انا مسيحي" وقالها بكل شجاعه وقوه
فاخذوا خروفين من الغنم فراح شوره اخد العصايه بتاعته وجري بكل شجاعه وقوه ورا الجنود وقدر يسترد الخروفين وكان فرحان خالص علشان خرفانه جنبه وانتشر في المدينه كلها ان جنود الوالي لم يقدروا علي شوره الصبي فلما عاد الجنود الي الوالي وقالوا له اللي حصل .. امر الوالي باحضار الصبي الراعي (شوره) والا سيعاقب اهل المدينه كلهم علشان كده خاف حاكم المدينه ورؤساء المدينه كلهم ومسكوا شوره وراحوا به الي اخميم فطرحه الوالي في السجن حتي الصباح ولما ساله الوالي عن اسمه اجابه:
"انا راعي مسيحي واسمي شوره". ولما طلب الوالي منه التبخير للاوثان رفض بشده...
فعذبه الوالي كتير لكنه فضل متمسك بايمانه ومسيحيته وربنا عزي شوره.. وارسل له ملاكه ليعزيه ويشجعه واعلمه انه سينال اكليل الشهاده وفي اليوم التالي .وتاني يوم من حيرته من شجاعه شوره جاب له ساحر ليبطل سحره زي ماكان بيقول !! الحاكم كان مفكر ان قوه شوره وثباته ده كله بسبب السحر اللي خلاه قوي والملك مش قادر يغلبه وطبعا شوره كان معاه ربنا لانه مش ساحر ولا حاجه لدرجه ان الساحر نفسه قال للحاكم "انا مش قادر عليه لانه قوي بالهه" ولما راي الوالي كل ده امر بقتل شوره فنال اكليل الشهاده وراح السماء يوم 10 كيهك بركه صلواته تكون معانا كلنا امين.

اسئله:
1-شوره كان بيشتغل ايه؟
2-شوره عمل ايه لما الجنود اخذوا الخروفين؟
3-مين ظهر لشوره في الحلم؟ وقاله ايه؟

[RoRa]

ميرسى ليك كتيير
انا الحمدلله شديد
مسابقتى سهللللة