عمل فيا كتير

[RoRa]

كان فيه طفل يقال عنه انه(معاق) متلازمة داون
مامته وباباه كانوا رايحين للدكتور
وطبعا اخدوه معاهم لان مكنش ينفع يسبوه لوحده فى البيت
وهما عند الدكتور سابوه فى الريسبشن بره لحد ما يدخلوا يقابلوا الدكتور ويرجعوله
لكن لما طلعوا لقوا راجل عجوز قاعد جنبه وعمال بيعيط جامد وهو بيبصله
الراجل ده كان شكله غلبان خالص وهدومه مبهدله وشكله تعبان اوى .. والظاهر انه كان مستنى دوره
بس مفهموش بيعيط ليه
خافوا لاحسن يكون ابنهم ضايقه ولا حاجة
فراحوا وسألوه بتعيط ليه؟ هو ابننا عمل فيك حاجة؟ معلش اعذره هو مش فاهم ؟ هو بجد عمل فيك حاجة؟ ضايقك فى حاجة؟
قالهم : " ابنكم عمل فيا كتيييير"
"عمل فيا اللى عمر ما حد عمله ليا فى حياتى .. جه جنبى وباسنى وحضنى جامد .. كانه يعرفنى
انا الناس كلها كانت بتقرف من شكلى ومن ريحتى وعشان فقير عمر ما حد اهتم بيا ولا سال عليا
عمر ما حد اهتم بحالى ولا حسسنى بحب او اهتمام طول حياتى
ابنكم بجد عمل كتييييير اوى


خلصت قصتنا
وقصة كل ملاك صغير بنخدمه
جواه طاقة حب كبيرة مش عندنا
بيعرف يعبر عن حبه وبنشوف بيه حب ربنا
ياريت نتعلم منه بجد كلنا

[mario]

حلو اوي يا رورا .. الولاد دول بيقبلونا في اسوء أحوالنا .. في مننا ينفر منهم .... في يشفق عليهم ... او يتجاهل وجودهم .. لكن هما بيثبتوا نفسهم .. و بيقولوا مش عايزين شفقه من حد احنا احسن منكم .. انتم اللى مليانين امراض و برغم اللى فيكم .. احنا هنقبلكم ... يا رب الاولاد دول يقبلونا ..

[mario]

حلو اوي يا رورا .. الولاد دول بيقبلونا في اسوء أحوالنا .. في مننا ينفر منهم .... في يشفق عليهم ... او يتجاهل وجودهم .. لكن هما بيثبتوا نفسهم .. و بيقولوا مش عايزين شفقه من حد احنا احسن منكم .. انتم اللى مليانين امراض و برغم اللى فيكم .. احنا هنقبلكم ... يا رب الاولاد دول يقبلونا ..

[RoRa]

ميرسى ماريو على مشاركتك
ويارب بجد نتقبل احنا كلنا فى السما بشفاعتهم

[peter tharwat]

عسل اوى بجد انا عمال اتخيل المنظر الولد وهو بيبص على الراجل العجوز اكيد كان شكلة عسول اوى وكمان بحب فيهم طيبتهم دى ياريت يا ماريو بجد يقبلونا

[ليديا]

يا رب الاولاد دول بجد يذكرونا فى صلواتهم ديما